Karangan Kang Abun Burhanudin
Caturkeun kaayaan di hiji leuweung anu katelahna Leuweung Bandot Singa. Eta leuweung pernahna teu pati jauh ti lembur Cikawung, ngan kahalangan ku hiji pasir leutik. Di salah saihiji tempat di leuweung eta katempo caraang pinuh ku obor anu ngulilingan puluhan tenda. Sihoreng eta tempat dipake paristirahatan romongan Menir Edwar.
Di unggal juru eta tempat katempo sababaraha urang KNIL keeur jaraga jaga, lengkep marawa bedil masing masing. Keur kitu torojol aya nu datang dua urang tarumpak kuda, reg euereun hareupeun hiji tenda anu dipake pos utama para tantara KNIL. Jrut.. jrut nu tarumpakna turun tuluy laleumpang asup ka jero tenda.
Sihoreng eta nu duaan teh talik sandi anggota KNIL pengawal menir Edwar anu meunang parenteh pikeun nalungtik kaayaan di wilayah kakawasaan Menir Jensen. Kadenge dua urang KNIL mere laporan ka Kapten Kuseri, pimpinanna.
“Lapor kapten..! Kuring duaan ngambe aya nu nyurigakeun di wilayah kakawasaan Menir Jensen..,” cek salah saurang ti nu duaan anu katelah Sersan Watno.
“Aya nu nyurigakeun kumaha maksud silaing, Sersan..?,” tanya Kapten Kuseri.
“Kuring duaan manggihan aya sababaraha urang anggota KNIL anu keur nyarieun jebakan di hiji lembur.. Ngan anehna, eta lembur anu kaasaup bakal diliwatan ku lembur urang..,” jelas Sersan Watno.
“ Ieu bener bener aneh.. Boa boa eta anggota KNIL sabenerna mah para pemberontak anu nyusup jadi anggota tantara Netherland..?,” tanya Kapten Kuseri deui.
“Saya can faham, kapten.. Can bisa mastikeun saha maranehna sabenerna.. Tapi nu jelas urang kudu ati ati,” cek salah saurang deui anu ngaran Sersan Suharno.
“Enya bener.. Lamun kitu saya rek mere laporan heula ka Menir Edwar,” cek Kapten Kuseri, tuluy manehna indit.
Di tempat lain, bareng jeung datangna dua anggota telik sandi anggota KNIL pengawal Menir Edwar, aya hiji bayangan bodas anu kokolebatan luncat tina hiji pucuk tangkal kana pucuk tangkal lainna. Reg eta bayangan bodas eureun dina hiji tangkal jangkung anu teu jauh ti tenda tempat paristirahatan rombongan Menir Edwar.
Tuluy kalayang eta bayangan bodas ngaragragkeun awakna ka handap. Cle.. nincek taneuh. Sihoreng eta bayangan bodas teh urang walanda anu nulungan Nyai Kembang tea, anu ngaku ngaran Santana. Terus eta jalma ngawaskeun ka palebah tenda. Teu lila, belesat eta jalma ngabelesat deui. Sup asup kajero tenda anu panggedena.
Barang asup kajero tenda, breh di eta tenda aya saurang awewe nu geus boga umur, keur diuk bae dina korsi sorangan. Ditempo tina rupa namah eta awewe teh urang pribumi. Nempo aya jalma nu asup, eta awewe meni curinghak.
“Edwar, anaku.. Darimana aja kamu.. Bikin Mommy cemas aja..,” cek eta awewe, anu sihoreng teh indungna menir Edwar, anu katelah Nyai Randita, warga pribumi asli anu dipibojo ku urang walanda, anu saterusna boga anak, nyaeta Menir Edwar tea. Jadi sihoreng oge jalma walanda anu nulungan Nyai Kembang teh Menir Edwar. Manehna ngaku ngaran Santana salaku ngaran sunda na.
Pok Menir Edwar alias Santana ngajawab omongan Nyai Randita, indungna. “Maafkan aku, Mommy.. Ikh bersalah pergi tanpa minta ijin dulu sama mommy.. Ikh sengaja pergi karena ingin tahu bagaimana keadaan wilayah yang dimana Ikh nantinya akan jadi residen,” tembal Menir Edwar.
“Iya.. tapi lain kali kamu jangan begitu.. Hampir aja copot jantung mommy karena cemas sama kamu,” cek Nyai Randita.
“Iya, mommy ku sayang.. Ikh minta maaf,” cek Menir Edwar bari celengok nyium tarang indungna.
“Ah kamu.. Bisa aja ngerayu..,” cek Nyai Randita.
“Oh iya, mommy.. Tadi Ikh ketemu sama nona orang pribumi.. Dia seorang pendekar silat.. Nona itu bener bener cantik, mommy.. Ikh langsung suka sama dia..,” cek Menir Edwar.
“Oh ya.. Siapa dia namanya?, tanya Nyai Randita, bari imut.
“Aduuh.. Ikh lupa gak sempet nanya dulu siapa nama nona itu.. tapi Ikh tidak mungkin lupa sama wajahnya.. Nanti kalau pekerjaanku sudah beres aku akan cari dia moomy.. Aku ingin mommy melamarnya untuk istri Ikh..,” cek menir Edwar.
“Oke.. Mommy setuju aja.. Siapapun perempuannya yang kamu suka.. Asal orangnya baik.. Mommy akan kasih restu,” tembal Nyai Randita.
Keur kitu aya saurang pengawal asup mere laporan ka Menir Edwar. “Maaf, Tuan.. di luar ada Kapten Kuseri yang minta iji ketemu sama tuan..,” cek eta pengawal.
“Suruh dia masuk..,” Menir Edwar marentahkeun supaya Kapten Kuseri dititah asup.
“Baik, Tuan..,” tembal eta pengawal, bari hormat tuluy kaluar deui.
Teu kungsi lila sup, Kapten Kuseri asup, tuluy langsung mere hormat.
“Ada apa, Kapten?,” tanya Menir Edwar.
“Begini, Tuan.. Sersan Watno dan Sersan Suharno memberi laporan ada gejala tidak beres di wilayah yang akan dilewati rombongan kita..,” cek Kapten Kuseri mere laporan.
“Tidak beres apa maksud kamu, Kapten..?,” tanya Menir Edwar.
“Ada pasukan tantara Netherland bawahan Menir Jensen yang bikin jebakan di jalan yang bakal dilewati kita.. Saya rasa itu aneh sekali.. Seperti mau mensabotase kita, Tuan..,” jelas Kaptesn Kuseri.
Menir Edwar unggut unggutan. “Ikh udah tahu itu.. Mungkin mereka orang orang penyusup yang gabung dengan pasukan KNIL bawahan Menir Jensen,” cek Menir Edwar.
Sangkaan manehna mah anu nyieun jebakan teh para pemberontak anu nyusup ka pasukan Kapten Soma. Anu padahal maranehna teh pasukan Sersan Jubeh anu dititah ku Kapten Soma. Maranehna ngahaja jang sabotase ka pasukan Gagak Seta sakaligus ka pasukan Menir Edwar.
Menir Edwar boga sangkaan kitu teh kulantaran samemehna Menir Edwar nyalametkeun Nyai Kembang anu pas harita make pakean KNIL. Jadi cek fikirna, Nyai Kembang teh teu sorangan nyamar jadi KNIL teh. Pasti aya baturna deui. Batur batur Nyai kembang jadi nu disangka ku Menir Edwar nyieun jebakan teh.
“Terus gimana Tindakan kita, Tuan..”,” tanya Kapten Kuseri.
“Tandai saja, dimana mereka bikin jebakan.. Kita putar arah.., Cek Menir Edwar.
“Siap laksanakan, Tuan..,” cek Kapten Kuseri bari hormat, tuluy manehna kaluar deui. Cag urang tunda heula.
Ayeuna caturkeun sang surya geus mimiti rek bijil. Di beulah wetan geus katempo ray rayan caang. Sora sato ingon ingon jalma jalma lembur geus kadenge reang patembalan.
Dina kaayaan kitu, para anggota tantara KNIL anak buah Kapten Soma katempo keur bararis di lapangan hareupeun markas. Ari Kapten Soma nangtung di hareup mimpin pasukan.
“Laporan..!,” cek Kapten Soma kadenge mere komando.
Tuluy katempo Letna Damar, Letnan Dastim, Sersan Sambas jeung Sersan Jubeh lalumpatan ka hareup rek mele laporan. Sanggeus aya di hareupeun Kapten Soma kabehan na baris sajajar.
“Lapor..! Pasukan 1 sudah siap melaksanakan tugas.. Pasukan kami mengambil posisi di sebelah barat kampung Cikawung.. Jumlah pasukan 40 orang,” cek Letnan Damar mere laporan.
“Bagus.. Segera laksanakan..!,” cek Kapten Soma.
“Segera laksanakan..!,” cek Letnan Damar, hormat satuluyna balik deui ka posisina. Teu lila pasukan Letnan Damar katempo arindit ninggalkeun eta tempat.
Kapten Soma tuluy ngalieuk ka Letnan Dastim. Letnan Dastim buru buru maju mere laporan
“Lapor..! pasukan dua dengan jumlah pasukan 30 orang siap menjemput rombongan Menir Edwar,” cek Letnan Dastim mere laporan.
“Segera laksanakan..!,” cek Kapten Soma.
Sarua jeung Letnan Damar satuluyna Letnan Dastim hormat tuluy balik deui ka pasukanna. Saterusna pasukan Letnan Dastim arindit ninggalkeun eta tempat.
Sanggeus Letnan Dastim nu mere laporan dituluykeun ku Sersan Jubeh terus Sersan Sambas. Sanggeus mere laporan kabehan na ninggalkeun eta tempat mawa pasukan na masing masing.
Tantara KNIL anu aya di tempat eta tinggal sababaraha urang deui anu langsung dibawah parentah Kapten Soma.
Bareng jeung kajadian eta di luhur hiji tangkal aya dua urang jalma marake pakean hideung keur ngawaskeun gerak gerik tantara KNIL, sihoreng eta jalma dua teh anggota kelompok Gagak Seta anak buah Den Arif. Sanggeus para tantara KNIL naringgalkeun eta tempat, belesat..! eta dua jalma ngabelesat indit.
Ari Kapten Soma tuluy indit nepungan Menir Jensen anu aya di jero rohangan. Breh teh Menir Jensen karek tos mandi pisan masih keneh diaanduk. Nempo Kapten Soma asup, Menir Jensen katempo seuri.
“Gimana, Kapten.. Apakah semua pasukan sudah siap sesuai rencana..?,” tanya Menir Jensen.
“Sudah, Tuan.. Semua pasukan sudah berangkat ke posisi masing masing,” tembal Kapten Soma.
“Wel..! Wel..! Wel..! Kerja yang bagus.. Ikh sangat suka itu,” cek Menir Jensen.
“Terima kasih, Tuan.. Sekarang saya tinggal menunggu perintah Tuan,” cek Kapten Soma.
“Iya, Kapten..! Tunggu sebentar.. Ikh mau ganti baju dulu,” cek Menir Jensen.
Cag urang tunda heula.
Ayeuna urang caturkeun Den Arip jeung pasukan na anu keur nyumput di lihur pasir bari terus ngawaskeun gerak gerik pasukan KNIL. Torojol dua anak buahna anu ku Den Arip ditiah jadi mata mata daratang mere laporan.
“Lapor, Panglima.. Sim kuring duaan geus hasil meunang informasi.. Ayeuna pasukan KNIL tos mulai gerak nyebar dibagi tilu kelompok..,” cek salah saurang anak buahna.
“Aluus..! Silaing nyaho kamana bae gerak maranehna?,” tanya Den Arip.
“Nu kakuping sareng ka tingal ku kuring duaan, anu sapasukan rek indit ngajemput rombongan Menir Edwar.. Nu pasukan kadua, anu tadi nyarieun jebakan.. Tugas pasukan eta sigana ngajaga jaga sing aya serangan ti pasukan urang.. Ari nu pasukan ka tilu na mah kuring duaan teu meunang informasi.. Teu apal maranehna rek gerak ka mana..,” cek nu hijina.
Huleng.. Den Arif katempo ngahuleng mikir. Teu lila, manehna pok ngomong deui. “Lamun kitu kaayaanna siasat urang nu kamari kapaksa kudu dirobah..,” cek Den Arip.
“Geroan heula Darma Aji jeung Karta Singa kaka kadarieu..,” parentah Den Arip.
Teu talangke salah saurang diantara manehna indit rek ngageroan dua jalma anu disebutkeun tadi ku Den Arip. Teu kungsi lila manehna geus datang deui diiringkeun ku dua urang jalma.
“Siap.. Aya pikersaeun naon, Panglima..?,” Tanya jalma nu kakarek datang anu ketelah Darma Aji.
“Kieu, Darma Aji.. Oge silaing, Karta Singa.. Ayeuna dewek meunang beja anyar ngeunaan gerakan pasukan KNIL anak buah Kapten Soma.. Kapaksa urang kudu ngarobah siasat..,” cek Den Arip.
“Siap, Panglima.. Simkuring sarengrengan nurutkeun bae kana parentah Panglima,” cek Karta Singa.
“Syukur.. Ayeuna kawula boga rencana anyar.. Darma Aji jeung pasukan na, anu satadina boga tugas nyerang rombongan Menir Edwar sakaligus mancing pasukan KNIL supaya ngudag ka Babakan Lowa dirpbah posisi.. Ayeuna Pasukan Darma Aji tugasna bertahan di Babakan Lowa.. Sedengkeun Kartasinga ku kawula dibere tugas kudu nyusup ka Markas Kapten Soma tuluy duruk bangunana.. Eta markas pasti dina kaayaan kosong, Lantaran aya salah sahiji pasukan anu samar gerakan na.. Ari kawula rek mawa anak buah sapuluh urang rek langsung nyerang rombongan Menir Edwar.. Kumaha kaharti?,” cek Den Arip.
“Kahartos, Panglima.. Simkuring sareng anak buah, siap ngalaksanakeun tugas..,” tembal Darma Aji.
“Kuring geh siap, Panglima.. Sadaya parentah Panglima bakal dilaksanakeun..” cek Karta Singa.
“Syukur.. Ari kitu mah.. Ti mulai ayeuna maraneh duaan kudu mimiti gerak,” cek Den Arip.
“Siap, Panglima..” duanana bareng ngomong siap.
Satuluyna kabehanana indit ninggalkeun eta tempat. Cag urang tunda heula.
Ayeuna caturkeun kaayaan Nyimas Kurniasih alias Nyai Kembang. Samemeh dur subuh, manehna geus aya deui di imahna, tuluy pura pura ngaringkeb di kamerna. Ari Ma Warni kakarek rengse sholat tuluy indit ka dapur bari muka mukakeun jandela.
“Nyai.. ! Nyai.. ! hudang nyai.. Geus beurang..,” cek Mak Warni ngageroan Nyimas Kurniasih.
“Kah.. Muhun, Emak..,” tembal Nyimas Kurniasih tuluy turun tina enggon na saterusna nyampeurkeun indungna nu geus aya di dapur.
“Geus shalat subuh acan, Nyai..?,” tanya Mak Warni.
“Entos, Emak..,” tembal Nyimas Kurniasih.
“Enya atuh syukur..,” cek Mak Warni.
“Ari Abah tos mulih, Emak..?” Nyimas Kurniasih nanyakeun Bah Surlan, bapana.
“Puguh acan, Nyai.. Emak sapeupeuting teu bisa sare inget bae ka si Abah.. Sieun bisi kumaha onam di jalan..,” tembal Mak Warni.
“Insya Allah moal aya nanaon, Emak.. Ulah seueur teuing emutan.. Paling geh aya pamengan di jalan..,” cek Nyimas Kurniasih.
“Enya mudah mudahan mah ulah aya nanaon.. Tapi ieu hate emak teu peuting mula seseblakan bae..,” cek Mak Warni.
“Eta mah raraosan emak bae panginten.. Ulah diemutan teuing.. Insya Allah Abah mah moal aya nanaon,” tembal Nyimas Kurniasih bari manehna geh sabener namah ngarasa tagiwur hatena inget bae ka bapana.
Keur kitu trong..! troong..! troong..! kadenge sora kentrong ditihtirkeun mere bewara ka jalma jalma lembur supaya geuwat kumpul di alun alun.
Ngadenge kitu, Nyimas Kurniasih jeung indungna pada pada ngarahuh. “Tuh geus dititah karumpul, Nyai.. Sok atuh geuwat sasarap heula..,” cek Mak Warni.
“Muhun, Emak.. Hayu atuh sareng,” tembal Nyimas Kurniasih.
Satuluyna Nyimas Kurniasih jeung Mak Warni bareng nyararap. Sanggeus rengse Mak Warni buru buru ka kamer rek disalin baju. Teu lila kaluar deui.
“Geuwat, Nyai.. bisi jadi matak.. rek bareng teu inditna?” tanya Mak Warni.
“Emak bae tipayun.. Ke abdimah nyusul hoyong ka cai heula..,” tembal Nyimas Kurniasih.
“Enya atuh kumakarep.. Kade nya ulah lila teuing..,” cek Mak Warni bari tuluy indit.
“Muhun Emak..,” cek Nyimas Kurniasih.
Sanggeus indungna indit, Nyimas Kurniasih buru buru asup deui ka kamerna. Rap make pakean jawara deui. Satuluyna Nyimas Kurniasih kaluar tina jandela, belesat ngabelesat. Les teu katempo deui. Cag urang tunda heula.
Ayeuna balik deui nyaritakeun kaayaan di tempat reureuhna Menir Edwar. Harita rombongan Menir Edwar geus siap siap rek arindit. Salah saurang anak buahna nepungan Menir Edwar mere laporan.
“Lapor, Tua.. Rombongan sudah siap untuk berangkat..,” cek anak buah Menir Edwar.
“Oke.. siapkan kuda buat Ikh..,” tembal Menir Edwar.
Sanggeus kitu jalma nu mere laporan buru buru kaluar deui. Ari Menir Edwar tuluy nyampeurkeun ka indungna. “Mommy.. Sebaiknya mommy pergi ke depan duluan.. Ikh mau menemui Ronal..,” cek Menir Edwar.
“Iya baiklah.. Tapi kamu jangan lama lama.. Terus hati hati.. Mommy udah denger kabar, kalo Ronnal tuh tidak suka sama kamu,” cek Nyai Randita, indungna Menir Edwar.
“Oke, Mommy.. Tenang aja.. Ikh udah tahu itu..,” tembal Menir Edwar.
Satuluyna Nyai Randita indit tiheula kaluar. Ari Menir Edwar indit oge rek nepungan adi tere na, anu ngaran Menir Ronal. Jadi ari Menir Ronal teh adina menir Edwar sabapa misah indung. Ke kacaritakeun dina jejer carita nu baris dipedar, Menir Ronal musuh dalam selimut Menir Edwar kulantaran hayang ngarebut posisi jabatanna. Terus salian ti Menir Ronal, Menir Edwar bogaeun keneh adi awewe ngarana Nonih Lia. Tapi ari Nonoh Lia mah masih sarua adi tere geh leuwih deukeut hubungan na ka Menir Edwar.
Ayeuna kocapkeun Menir Edwar geus aya di tenda na Menir Ronal. Katempo maranehna keur paduduan ngomong. “Ada apa abang nemui ikh,” cek Menir Ronal siga nu kaget.
“Begini, Adik.. Ikh minta adik gantikan dulu posisi Ikh sebagai kepala rombongan.. tapi Mommy jangan sampe tahu..,” cek Menir Edwar.
“Loh.. Emangnya kenapa, Abang..? Menir Ronal ngarasa heran.
“Udah jangan banyak nanya.. Ikh ada perlu dulu.. Ntar kalo sudah sampe di kantor Bupati kita tukar lagi posisi,” cek Menir Edwar.
“Oke, kalo begitu.. Ikh setuju aja..,” cek Menir Ronal.
“Wel.. wel.. wel.. Oh iya.. kamu harus pake baju Ikh.. Juga tanda pangkatnya..,” cek Menir Edwar.
“Oke..,” tembal Menir Ronal, hatena ngarasa bungah, tuluy ngagerentes.
“Sekarang kau bilang cuman sementar, Edwar.. Tapi Ikh ingin selamanya pegang jabatan kamu..,” cek gerentes Menir Ronal.
Satuluyna Menir Edwar indit ti tempat eta. Ari Menir Ronal nyampeurkeun salah saurang anak buahna anu ngaran Gopes.
“Sini kamu..,” cek Menir Ronal ngageroan anak buahna.
“Siap, Tuan.. Ada perintah apa..?,” tembal si Gopes.
“Kamu orang harus ikuti Edwar kemana dia pergi.. Kalo ada kesempatan kamu harus bunuh dia..,” cek Menir Ronal kadenge rada haharewosan.
“Siap, tuan..,” tembal si Gopes.
Satulyna si Gopes indit rerencepan rek nuturkeun Menir Edwar. Ari Menir Edwar geus aya di tenda na deui, tuluy buru buru ngaganti baju make pakean jawara. “ Ini kesemoatan Ikh untuk temui lagi si pendekar cantik yang tadi malam..,” cek gerentes Menir Edwar, tuluy kaluar. Sanggeus aya di luar, belesat manehna lumpat.
Ari si Gopes nu meunang tugas ti Menir Ronal, terus ngawaskeun. Sanggeus Menir Edwar indit, tuluy si Gopes geh ngabelesat ngudag.
Dilajeng ka Eps salajengna.
Komentar
Posting Komentar